A Plataforma de Voluntariado convoca o seguinte certame artistico no que poden participar mozos de entre 12 e 18 anos para contar que é o voluntariado a través de distintas expresións artísticas como o cómic, o relato ou a fotografía.
VoluntariARTE quere coñecer que significa o voluntariado e como o expresa calquera adolescente, para iso un xurado elixirá as obras de maior calidade e orixinalidade para que formen parte dunha exposición colectiva.
O prazo de presentación das obras comeza o 4 de agosto e finaliza o 31 de outubro de 2012. Todas as persoas interesadas en participar poden mandar os seus traballos á seguinte dirección de email: sensibilizacion@plataformavoluntariado.org
TERMOS E CONDICIÓNS DO CERTAME VoluntariARTE
1. Poden participar os/as xoves nestas categorías:
- Grupo A. 12-14 anos
- Grupo B. 15-16 anos
- Grupo C. 17-18 anos
2. Cada participante pode enviar un máximo de tres obras independentemente da modalidade.
3. As obras (cómic, fotografía, relatos) terán como temática o voluntariado no máis amplo sentido do termo.
4. En función da modalidade estableceranse uns requisitos:
- FOTOGRAFÍA · Admitiranse fotos en cor e en branco e negro. Arquivos JPG dun tamaño mínimo de 1.024 x 1.024 píxeles
- CÓMIC · A extensión mínima é de dúas páxinas cun máximo de seis (máis as portadas).
- RELATO · Extensión máxima de dous folios, letra Times New Roman, tamaño 12. 5.
O envío realizarase por correo electrónico indicando CERTAME á seguinte dirección: sensibilizacion@plataformavoluntariado.org, con dous arquivos separados, un coa obra e outro cos datos do/a participante (nome, apelidos, DNI, teléfono e dirección).
Os/as participantes menores de idade necesitarán unha carta do seu representante legal (pai, nai, titor ou titora) autorizando a súa participación no concurso.
6. As obras deberán ser orixinais e inéditas.
7. A Plataforma do Voluntariado de España (PVE) non admitirá obras que considere ofensivas, inxuriosas ou que non se axusten ao contido da proposta de difundir o voluntariado.
8. Os traballos presentaranse en castelán.
9. O prazo límite para enviar as obras é o 31 de Outubro de 2012.
10. A organización elixirá o mellor espazo de exposición e máis adecuado ao material recibido.
11. As obras difundiranse a través da web da PVE: http://www.plataformavoluntariado.org/
12. Os/as participantes, ou en caso de ser menores de idade, os seus representantes legais, permitirán a libre difusión destas obras sempre que se realicen nun contexto de promoción do voluntariado.
13. A organización poderá resolver calquera eventualidade que xurda até o desenvolvemento do certame e durante a celebración do mesmo.
14. A participación no certame implica a plena aceptación destes termos e condicións. O formulario de autorización poderán atopalo en www.plataformavoluntariado.org.