Como afecta a crise do COVID-19 á xuventude?

Versión para impresoraEnviar a un amigo
cuestionario_covid19.jpg

A iniciativa da Xunta toma a forma de cuestionario online dirixido á mocidade e estará dispoñible ata o xoves 14 de maio.

Ante a situación de crise sanitaria derivada do COVID-19, a Consellería de Política Social, a través da Dirección Xeral de Xuventude, Participación e Voluntariado, pon a disposición dos mozos e mozas un cuestionario online para coñecer a súa situación e as súas inquedanzas, e tamén as súas posibles propostas, ante a realidade actual e o futuro inmediato.

Con esta ferramenta preténdese reforzar a relación directa coas persoas mozas cara abordar e estudar novos recursos e medidas no marco do novo escenario xerado por esta pandemia.

As achegas deste método participativo serán nun elemento fundamental a ter en conta na mellora continua dos programas e actividades que a Xunta de Galicia impulsa no ámbito da xuventude, ao tempo que axudan a promover a participación da mocidade na sociedade e a súa contribución nos procesos de aplicación e seguemento das políticas de xuventude.

En definitiva, trátase dunha ferramenta coa que se pretende reforzar o papel dos mozos e das mozas como axente activo na construción e desenvolvemento da sociedade actual e futura.

O prazo para participar nesta iniciativa abarca do 30 de abril ao 14 de maio de 2020.

Preme aquí para acceder ao cuestionario online.

 
Xunta de Galicia. Consellera de Traballo e Benestar