O Concello abre o prazo de inscrición en obradoiros de Robótica educativa dirixidos a menores de entre 8 e 14 anos escolarizados en Narón

Versión para impresoraEnviar a un amigo
robot-2587571_640.jpg

A Concellería de Ensino, dirixida pola edil Mercedes Taibo, convoca dous obradoiros de Robótica educativa, integrados no Programa Municipal de Educación Extraescolar (Promedex).

As iniciativas, tal e como explicou a edil responsable da área ofertan un total de trinta prazas, dez delas para nenas e nenos de 12 a 14 anos e as vinte restantes para menores de entre 8 e 11 anos escolarizados en centros de ensino de Narón. As persoas interesadas en anotarse poden facelo dende hoxe, e ata esgotar prazas, a través da Sede Electrónica do Concello, no Rexistro municipal –de luns a venres entre as 8.30 e as 13.30 horas- ou a través de calquera dos lugares e rexistros establecidos nos artigos 14.1 e 16.4 da Lei 39/2015 di 1 de outubro do Procedemento Administrativo Común das Administracións Públicas. As sesións impartiranse entre os meses de outubro e maio nas instalacións da Casa da Mocidade, na Gándara.

No caso do obradoiro dirixido a menores de 8 a 11 anos, formaranse dous grupos (de dez persoas cada un), un deles reunirase os luns, de 16.00 a 17.30 horas, e outro tamén os luns, pero entre as 17.30 e as 19.00 horas. O obradoiro dirixido a nenas e nenos de 12 a 14 anos será os mércores de 17.30 a 19.00 horas. A través destas convocatorias presentarase aos nenos e nenas a tecnoloxía dun xeito lúdico, aprendendo a través do xogo. Entre os contidos a abordar en ambos obradoiros están: a construción e programación de robots utilizando sistemas de Lego Wedo 2.0 e Lego EV3; resolución de problemas de programación, superación de retos de construción e programación e iniciación no Arduino a través de Makeblock.

A tarifa establecida é de 8,15 euros ao mes, a reguladora da taxa polos servizos prestados dende o Servizo Sociocomunitario de Narón.

 
Xunta de Galicia. Consellera de Traballo e Benestar